E PORO

[singlepic id=261 w=320 h=240]
E poro ana vau i Tahiti e
A ara mai (e) ta ù fenua,
A tia mai, ua reru to moe.

Ua reru to moe i teie nei
Ua reru I te hinu o te moni e
Mea anoano ia manaonao e.

E miti patere tei tai e
E miti patere inai e
Hopuhopu ana, e pata te maire.

(E) tarape na te faa, na te te peho e
I te mau tamarii e
A hoi mai (i) ta ù nei hii e.

A hoi mai na i te tumu e
Tapae mai i te fare nei
Tapae mai, e fare niau e.

Ahimaa taua i te fare nei
Ahimaa i te hotu e
I te hotu o te aia e.

Eiaha te taria e horoa e
I te tai punu o te moni e
E tai ahure (i) to oe hiroa e.

Henri Hiro