Hiro’a n°165 – E reo tō ‘ u : Te Papa hīro’a ‘e Faufa ’a tumu Te tahi mau fa´a´ohipara´a no te taretare, te taro e te ti´a´iri

Rohipehe : Natea Montillier Tetuanui (vahine) ’Ohipa : ‘Ihi nūna’a, ‘ihi reo

Teie te tahi nau rā’au e tupu nei nā ni’a i nā ‘e’a to’opiti nō ‘Ōpūnohu i Mo’orea- te ara-tupuna ‘e te ‘e’a nō te ‘āro’a Pu’uroa – i fāna’o i te tahi mau paruai  fa’a’ite’itera’a i tō rātou fa’a’ohipara’a i roto i te orara’a ā te Mā’ohi, i te mātāmua iho ā rā.

Taretare, Foeniculum vulgare, fenouil doux, Fennel, MOD

Hou i te ‘ūa’ara’a tiare, e ravehia tō na rau’ere nō te fa’a-no’ano’a i te mono’i, te tapa.

Ti’a’iri, tutui, (haw.) kukui, Aleurites moluccana bancoulier, Candlenut, POL

E tupu ‘oia i ni’a i te fenua marō, i ni’a iho ā rā i te ‘āivi. E tui te ta’ata mā’ohi nō mūta’a i te ti’a’iri i ni’a i te nī’au ei mōrī tūrama ia ara i te pō; e riro te pape e te rehu ti’a’iri ei ‘ū nō te tātau ; e fa’a’ite te hōho’a tātau i te upo’o-ti’a-ra’a tāma’i, te ti’ara’a ō te ta’ata i roto i te mata’eina’a, te ti’ara’a ‘arioi, te tū’atira’a ō te ta’ata i te ‘āti, fenua, motu, tāura, atua ; te tātau, e ha’amehameha i te ‘ēnemi, e mai tē ti’aturihia, e pāruru-tino i mua i te ‘ati tāma’i e te ma’i, e rave’a fa’anehenehe- ra’a tino ; Ei hāmanira’a rā’au tahiti te mā’a hotu, e rā’au tāhe’e. Ei hāmanira’a rā’au tahiti, e ravehia te pa’a nō te rapa’au i te māui ‘arapo’a. I Vaihī, e tuihia te hei-‘arapo’a i te ti’a’iri ‘ui-pa’o-vari-hia.

E fa’a’ohipahia nō te rā’au he’a, horoi toto, horoi mata

Taro, Colocasia esculenta, plante, Taro, POL

E mā’a tumu i Porinetia te mā’a tanu, i Tūha’a pae iho ā rā ; e tupu ato’a iho ā i ni’a i te tahi atu fenua, ‘oia ato’a i roto te māite ō te Tuāmotu. I roto i te terera’a ‘imira’a fenua ā te Mā’ohi, mai Papetō’ai te ‘āfai-ra’a-hia te taro i Te-ao-tea-roa ; e ‘amuhia te hī’ata, te fāfā, te ohi na’ina’i, te a’a e mea ‘ī i te faufa’a rau nō te tino (‘auri, calcium, phosphore, vitamine B2) ; e 29 huru taro mai te taro veo, mana ‘ura, ‘ānapa, ‘ape e tē vai atu ra. I te tau tahito, ua rau te mau pa’i taro i ‘Ōpūnohu, tei te hiti ‘ānavai, te mau pa’i (taro) e pae ‘eta’eta tuea (100-200 m2) i te rahi (Vérin, 1961 : 205).

E ‘amuhia te rau’ere ‘āpī ei fāfā.

E fa’a’ohipahia nō te rā’au ‘ōmaha tihota, ‘ōmaha miti.

IND = indigène ; END ARCH = endémique archipélaire ; POL = introduction polynésienne ; MOD = introduction moderne

Légendes

Tiare nō te taretare, hōho’a – J.-F. Butaud.

Pa’i taro, hōho’a – NMT.

Pe’eta taro, hōho’a – J.-Y. Meyer.

Mori tūtu’i, hōho’a – J.-F. Butaud.

Ma’a ti’a’iri, hōho’a – J.-F. Butaud.

Vous aimerez aussi...