Hiro’a n152 – E reo to’u : Te tahi mau fa’a’ohipara’a ō te fē’ī-‘utu-‘ura, haeha’a, hora Tahiti

Direction de la culture et du patrimoine (DCP) – Te Papa hiro΄a ΄e Faufa΄a tumu

 

Rohipehe : Natea Montillier Tetuanui (vahine)

’Ohipa : ‘Ihi nūna’a, ‘ihi reo

Te Papa hiro΄a ΄e Faufa΄a tumu

www.culture-patrimoine.pf

 

Te tahi mau fa’a’ohipara’a ō te fē’ī-‘utu-‘ura, haeha’a, hora Tahiti

Teie te tahi mau rā’au ‘i ni’a i nā ‘e’a to’opiti nō ‘Ōpūnohu i Mo’orea- Te ara-tupuna e Te ‘e’a nō te ‘āro’a Pu’uroa – i fana’o i te tahi mau paruai fa’a’ite’itera’a ō tō rātou fa’a’ohipara’a i roto i te orara’a ā te mā’ohi, i te mātāmua iho ā rā.

 

fē’ī-‘utu-‘ura, fē’ī tohorā

Musa troglodytarum, plantain aux lèvres rouges, plantain des baleines, red-lips plantain tree, POL

E tā‘amura’a tō teie mā’a e te ‘ā’ai ō te ruahine ‘ai-ta’ata nō Vai’are, Hono’ura. E ‘itehia terā mā’a i te vāhi pi’ihia Te-fē’ītāmaemae i Vai’are, e i Pārau, i Paopao, i te pae ‘apato’erau ō te fa’a nō ‘Ōpūnohu.

fë'ï Musa troglodytarum JfB

 

haeha’a

Lindernia crustacea plante, Malaysian false pimpernel, POL

Ei hāmanira’a rā’au tahiti. E tanuhia o na i pīha’i iho i te nohora’a. Ua rau te fa’a’ohipara’a ei rā’au tahiti.

haeha'a Lindernia crustacea Fleur JfB

hora Tahiti,

(mar) kohuhu Tephrosia purpurea arbre, Wild indigo, POL

E papahia teie rā’au tā’āto’a ei fa’ata’eroi’a mātauhia (Pétard 2011). E rave ato’a te ta’ata tahiti, te Hāmoa, e te Fitī i te a’a ō te hora pāpua. (Derris trifoliata i te tahi a’e taime varavara e Derris malacensis i te rahira’a ō te taime). Ua rau te fa’a’ohipara’a ei rā’au tahiti.

Hora T. Tephrosia purpurea JfB 2005

END PO= endémique Polynésie;  POL = introduction polynésienne ; MOD = introduction moderne

Vous aimerez aussi...